TARBIYADA INNOVATSION TEXNOLOGIYALAR

Ushbu amaliy tavsiyalar mualliflar tomonidan chop etilgan "Direktorning ish kitobi" (2007), "Taʼlimda innovatsion texnologiyalar"(2008) kitoblarining mantiqiy davomi boʻlib, unda maʼnaviy-maʼrifiy ishlar boʻyicha zamonaviy tarbiyaviy pedagogik texnologiyalarning asosiy mohiyatini yoritishga qaratilgan. Toʻplamda Oʻzbekiston Respublikasining milliy istiqlol gʻoyasi, uning ustuvor tushunchalari va tamoyillari amaliy tavsiyalarga asos qilib olingan. Qoʻllanmada tarbiya jarayoniga qoʻyilgan zamonaviy talablar, tarbiyaviy jarayonning mazmuni, taʼlim muassasalari oʻquvchilar guruhlarida tarbiyaviy jarayonni va tarbiyaviy ishlarni tashkil etishning oʻziga xos jihatlari, tarbiyaviy texnologiyaning nazariy va amaliy asoslari tahlil etilgan, maxsus treninglar oʻtkazish uslubiyoti hamda tarbiyaviy texnologiyalar berilgan. Keltirilgan amaliy tavsiyalarning oʻziga xos xususiyati shundaki, tarbiyada innovatsiya "Nima?" savoli orqali emas, "Qanday?" savoli orqali yoritilgan. Amaliy tavsiyalarning maqsadi – taʼlim muassasalarida faoliyat olib borayotgan professor-oʻqituvchilar, tarbiyachilar, guruh rahbarlari va malaka oshirish kurslari tinglovchilariga tarbiyaviy ishlar toʻgʻrisida umumiy tushuncha berish, ularni tarbiyaviy ishларни tayyorlash, oʻtkazish va tashkil qilish uslubiyoti bilan tanishtirish hamda olgan bilimlarini amaliyotda qoʻllay olishlariga tayyorlashdan iborat. Keltirilgan uslubiy tavsiyalardan taʼlim muassasalarining oʻquv va tarbiya ishları boʻyicha rahbar xodimlari, oʻquvchilar, oʻquvchilar yetakchilari, "Kamolot" yoshlar ijtimoiy harakati sardorlari ham foydalanishlari mumkin. Qoʻllanmada ishlatilgan "oʻqituvchi" atamasi ostida oliy taʼlim muassasasi talabasi, akademik litsey va kasb-hunar kollejlari hamda umumiy taʼlim maktablari oʻquvchilari va malaka oshirish tinglovchilari tushunilsa, "tarbiyachi" atamasi deganda esa, taʼlim muassasalari tarbiyachisi, oʻqituvchisi, guruh rahbari, murabbiysi, tashkilotchisi va shu kabi tarbiya bilan bogʻliq xodimlar tushuniladi. Mualliflar