Taroziy toshbaqasi

Yosh ishquvar Benishonning tuhfasi — jasad sari intilishi, Farruhni quvib yuborishi, jasadning jigarini choʻqib ketayotgan burgutni urib tushirishi — barcha jismoniy va ruhiy azoblanishlari bamisoli insonning haqiqatni anglashga urinishi ramziga aylanadi. Pahlavon Prometey misoli tuztepaga zanjirband etilgan jasad, uni qoplagan tuz qatlamining oppoq nur taratishi, jasadning zarracha aynimaganligi — oliy haqiqatning qudratidir, uning mangu barhayotligidan ishoratdir. Benishon xuddi shu oliy haqiqat betiga oyoq qoʻyadi va Taroziy taʼbiri bilan aytganda, maʼnaviy buzilishi jismoniy buzilishiga olib keladi. Temur Poʻlatov Benishon obrazi timsolida ana shunday achchiq va shafqatsiz hukm chiqaradi. Xurshid Doʻstmuhammad