Taskin

O'tkir Rahmat she'rlari xuddi irmoqday qalblar sari jildirab oqadi. Chunki shoir tabiatning ranglarini ko'ra oladi. U bilan tuyg'ular tilida so'zlashadi, rini ko'ra oladi. Aynan shu jihat ushbu kitobda rang-barang tarzda ko'zga tashlanadi. Kitob shartli ravishda uch qismga bo'lingan, lekin ular bir-biriga tutashib ketgan. «Orzulardan nurlar uyg'onadi», deydi shoir bir she'rida. Darhaqiqat, ushbu she'rlarda ijodkor orzu-umidlarining aksini ko'rsangiz, ajabmas. Zumrad havolar, zumrad dunyolar – shu rangli ohanglar zamirida pok niyatlar ifodasi mujassam. Demak, serjilo shoir olami – sizga muntazir. Unda ko'z va qalb ila kezib, nafis hissiyotlar, yorug' taskinlardan bahra topasiz. Shu sabab ham bu kitob qalbingiz to'ridan joy olishiga shubha bildirmaymiz. Aksincha, ko'nglingiz mulki bilan tabriklaymiz.