TAZARRU

Ushbu kitobni bobom usta Tosh Baraka oʻgʻli hamda momom Sharofat Narzi karvon qizining porloq xotirasiga bagʻishlayman Ushbu toʻplamda shiddatli, tinimsiz oʻzgarayotgan, voqealarga boy zamonada yashab insoniy qiyofa va qadriyatlarni asrab yashashning nechogʻlik murakkabligi aks etadi. Uni mutolaa qilayotib, hayoti-faoliyati, qalbi-tafakkuri ziddiyatlar ichra yashayotgan tuman rahbarini, oʻgʻli va vijdoni oʻrtasida arosatda qolgan, Ollohga tazarru qilayotgan otani yaqindan taniysiz. Ularni tushunish asnosida nazaringizni oʻz qalbingiz, hayotingizga qaratasiz, oʻy-mushohadaga choʻmasiz. Kitob shuning uchun ham qalbingizdan chuqur oʻrin egallashiga ishonamiz.