Teatrga chipta yoʻq

Tanqidli adib Koʻchqor Norqobil hikoyalarida eng avvalo Inson bor; uning qalb quvonchi va qaygʻulari ishonarli aks ettiriladi. Personajlar kitob emas, tirik odamlar ekanligini his qilasiz, beixtiyor muloqotga kirishasiz. Xarakter yaratish mashqini egallagan yozuvchi hikoyalarida yuz beradigan yana bir jihat — favqulodda burilish va kutilmagan yakun oʻquvchi hayratini toshirishi, shubhasiz. Samimiy va ravon ifodalar, tesha tegmagan iboralar va bu dunyoda Inson boʻlib yashash, odamiylikni asrab qolish gʻoyasi singdirib yuborilgan. Adibning har bir hikoyasida sevgi-muhabbat, odamiylik ulugʻlanadi. Ushbu kitobga dunyoning koʻpgina tillariga tarjima qilingan va bugungi kunda xorijiy davlatlar adabiyot olamida ham eʼtirof etilayotgan hikoyalar kiritildi.