Telba

Ushbu asarni turli millatga mansub minglab, millionlab kitobxon-lar sevib mutolaa qilishadi. Asarning qimmati nimada? Nima uchun bu asarni o'qigan kitobxon buyuk ijodkor – Dostoyevskiy ijodiga qayta-qayta murojaat qilishga o'zida ruhiy ma'naviy ehtiyoj sezadi? Asarning qahramoni telba, darvesh bo'lgani holda o'quvchini qaysi tomonlari bi-lan o'ziga tortadi? Bu savollarni kitobni o'qigan har bir kitobxon o'ziga yarasha javob topadi. Chunki javoblar barcha zamonlarda bo'lgan, hamma davrlarda uchraydigan – manfaatparastlik, boylikka mukkasidan ketgan johillar orasida yashab, insoniylik xususiyatini saqlab qolgan, odam-larga hamisha hamdard bo'lolgan, buyuk qalb bilan yashagan knyaz Mishkin (Telba), hayotining o'ta murakkab va mushkul damlarida zohiran juda go'l va zaif ko'ringan qahramonlarimizga qalban muhtojlik sezgan Nastasya Filippovna, Aglaya kabi asarning asosiy qahramonlari mutolaa yakuniga qadar o'quvchining diqqat markazida turadi. Asarning Evangeliga yuz ellik yildan oshgan bo'lsa ham undagi qalbni poklashga bo'lgan da'vat tuyg'ularni e'zozlash, har qanday sharoitda ham o'zligini yo'qotmasdan yashash kerakligi haqidagi fikrlar kitobni o'qigan har bir o'quvchi uchun yangilik bo'lib qolaveradi. Asarni o'qigan har bir avlod buni yana bir bor yurakdan chuqur his etadi.