TENTAKKA SALOM BERDIM...

Adxam Daminning eʼtiboringizga havola etilayotgan ushbu toʻplamida uning dastlabki hajviy qissasi, hikoyalari, hajviyalari, sochmalari jamlangan. Yozuvchi hikoyalarida inson ruhiyatining turli manzaralarini, koʻngil dardi boʻlmish muhabbatning nozik tugʻyonlarini oʻziga xos tarzda tilga olgan. Hajviyalarda hayotda goh-goh uchrab turadigan qiziq-qiziq voqealarni fargʻonaliklarga xos yengil kulgi va kinoya hamda hajv tigʻi bilan omixtalab, turli insonlar xarakterlarini ajoyib tarzda ochib bergan. Hajviy qissada tilga olingan voqealarni oʻqib ham kulasiz, ham qahramon duch kelgan muammolarni koʻrib oʻyga tolasiz. Adibning ushbu toʻplami kulgi muxlislarini va koʻplab kitobsevarlarni befarq qoldirmaydi, degan umiddamiz.