TIKUV BUYUMLARINI ISHLAB CHIQISH JIHOZLARI

Kasb-hunar kollejlarining tikuvchilik sohasida ta’lim olayotgan o‘quvchilar uchun mo‘ljallangan ushbu darslikda jahon miqyosida ishlab chiqariladigan tikuv mashinalari va yarimavtomatlar, tayyorlov-bichish ishlarida qo‘llaniladigan jihozlar to‘g‘risida umumiy ma’lumotlar berilgan. Mashina va uskunalarning tuzilishi, ishlashi va sozlanishlari, ularda sodir bo‘ladigan nuqsonlarni tuzatish usullari bayon etilgan. Darslikda Vatanimiz tikuvchilik korxonalarida keng qo‘llanilayotgan hamda hozirgi kunda ishlab chiqarilayotgan zamonaviy tikuv mashinalari haqida ham to‘liq ma’lumotlar keltirilgan.