To quyosh sochayki nur

O‘tgan asrning 1952–1954 yillaridan boshlangan Erkin Vohidov ijodi o‘zining rang-barang mavzulari, janrlari, poetik shakllari, stilistik e’tiborli o‘ziga xosliklari, g‘oyaviy-mundarijaviy yo‘nalishlari, juda boy badiiy xususiyatlari bilan xalq ichiga teran ildiz otib bordi. Keyingi oltmish yil ichida bu tomirlar ona Yer bag‘rida yuksalib, kuch-qudratga to‘ldi. Yarim asrdan ko‘proq vaqt mobaynida shoir o‘z qalbida muntazam yangilanish bilan zarracha og‘ishmay, o‘zbekning qalbini ochdi. Bu qalbning xilvatlarini tiyonshon qadar yuksaltirdi. Shu yuksaklikdan turib unga o‘zi va o‘zligini tanish bilib, anglab olishning poetik imkoniyatlarini ko‘rsatib berdi. Buni uning shu davr ichida u bilan birga voyaga yetgan, millionlab muxlislari tushundi, yaxshi his qildi, to‘g‘ri fikrlab, o‘zi uchun hayotiy adabiy tushunchalar hosil qildi. Mazkur kitobda el ardoqlagan shoir Erkin Vohidov hayoti, ijodiy qiyofasi haqida taassurotlar, talqinlar, tahlillar, tadqiqotlar jamlangan.