Tohir Malik gurunglari

Ushbu kitob boshqa kitoblarga aslo oʻxshamaydi. U kechagi, bugungi kun va kelajak xususida turli mavzularni qamrab olgani bilan ahamiyatlidir. Kitobda muayyan masalalar yuzasidan ustoz va shogirdning turli qarashlari, fikr-mulohazalari keng joy olgan. Tabiiyki, bunda ustozning mushohadalariga koʻproq oʻrin ajratilgan. Zotan, ulkan hayotiy tajribaga ega adib oldida shogirdning bisyor gapirishi odobdan ham emas. Suhbatlar esa, asosan, hayot, adabiyot, ijod, taʼlim-tarbiya, yoshlar masalasi, kino, teatr, sanʼat, global muammolar, hatto futbol va hazil-mutoyibani ham qamrab olgan. Kitob siz, azizlarga manzur boʻladi, degan umiddamiz.