Tojdor ajal hamlasi

Taniqli publitsist Ahmadjon Meliboyevning ushbu kundalik kitobi ishqiy kissa, sarguzasht roman yoki badiiy-falsafiy esse emas, unda detektiv asarga xos kutilmagan vokea-hodisalar talkini, badiiy ifoda, ijodiy toʻqimalar yoʻq. Muallif dunyoni bir hamla bilan larzaga keltirgan, yer yuzida tiriklikni shubha ostiga olgan, inson ong-shuuri, turmush tarzi va uy-xayollarini ostin-ustun qilib yuborgan koronavirus pandemiyasining yuzaga kelishi, dunyo boʻylab yoyilishi haqida mushohada yuritadi. U bilan tanishgan har bir kishi oldida bu kulfat tasodifmi yoki uning sinov yangligʻ asoslari bormi, hayotni hayot maqomida, Insonni Inson maqomida tutib turish uchun nimalar qilish kerakligi toʻgʻrisidagi gʻoyat murakkab savollar koʻndalang boʻladi. Ularga javob topmas ekanmiz, bamaylixotir yashashimiz mumkin emas.