UCH DOSTON

Mahmud Toirov yaqin-yaqinlarda Parkent shoiri edi. Bugun u oʻzbek she'riyatining zabardast peshqadam vakillaridan biridir. Bunga u oʻzining yorqin she'rlari bilan erishdi. Uning soʻnggi yillarda eʼlon qilgan she'rlari va dostonlari chuqur grajdanlik pafosi bilan sugʻorilgan", — deya yozgandi Oʻzbekiston Qahramoni, zabardast va zahmatkash olimimiz Ozod Sharafiddinov. Darhaqiqat, yaxshi she'rning o'z oftobi, o'z daryosi, oʻz qudrati boʻladi. U sizga ergashmaydi, siz unga asir boʻlasiz. Qoʻlingizdagi bu mo'jazgina kitobga Oʻzbekiston xalq shoiri Mahmud Toirning turli yillarda yozilgan uch dostoni jamlangan. Dostonlarning har biri millatimiz atoqli adiblarining samimiy e'tiroflariga sazovor boʻlgan. Ular sizni ham befarq qoldirmaydi, degan umiddamiz.