Uch yuz oltmish toʻrt kun

Koʻlingizdagi ushbu kitobda taniqli adib Xayriddin Sultonning turli yillarda yozilib, oʻziga xos shaklda tartib berilgan oʻttiz bitta hikoyasi jamlangan. Oʻzbekiston Qahramoni, Xalq yozuvchisi, rahmatli Said Ahmad akaning taʼbiri bilan aytganda, toʻplamdan oʻrin olgan asarlarda tasvirlangan odamlar nihoyatda aniq, mukammal obraz darajasiga yetgan badiiy qiyofalardir. Bu qiyofalar goʻyo mohir rassom tomonidan asliga qarab chizilgan goʻzal suvratlar kabi taassurot qoldiradi.