UMR KARVONI

XX asr jahon adabiyotining zabardast namoyandalaridan biri, taniqli avar shoiri Rasul Hamzatovning nomi ham, asarlari ham oʻzbek oʻquvchilari orasida mashhur: qator sheʼrlari qoʻshiqqa aylanib, hofizlar repertuaridan mustahkam oʻrin olgan. Ushbu toʻplam uning oʻzbek tiliga oʻgirilgan sheʼrlarining eng sara namunalari hamda «Mening Dogʻistonim» va boshqa asarlari ichida kelgan teran falsafiy fikrlari va hayotiy hikmatlari asosida tuzildi. Mutafakkir adibning boy adabiy merosidan saralangan bu turli mavzu, rang-barang janr-dagi xalq donishmandligi bilan yoʻgʻrilgan hassoʻs taronalar va purmaʼno satrlar barcha yoshdagi va turli toifadagi oʻquvchilar qalbiga yoʻl topishiga ishonchimiz komil.