UMRIM TARIXI

Ushbu kitob Oʻzbekistonda kibernetika fanining asoschisi, OʻzFA “Kibernetika” ilmiy ishlab chiqarish birlashmasining tashkilotchisi va birinchi rahbari, yirik fan arbobi, akademik Vosil Qobulovich Qobulovning hayot va ilmiy ijod yoʻliga bagʻishlangan boʻlib, uning oʻzi yozib qoldirgan esdaliklari, kitoblari va maqolalari, yon daftaridan olingan yozuvlarga asoslangan, unda olimning yoshlik yillari, fanga kirib kelishi, kibernetika fanini rivojlantirishi, shogirdlar tayyorlab, katta ilmiy maktab yaratishdagi mashaqqatlari, shu bilan birga ilmiy izlanishi, va yosh olimlarni tarbiyalash haqidagi oʻy-fikrlari bayon etilgan. Kitobning ikkinchi boʻlimi 1996 yilda V. Q. Qobulovning bevosita boshchiligida chop etilgan “Oʻzbekiston kibernetiklari” (OʻzFA ilmiy nashriyot kengashi, 1996 yil) kitobiga asoslanib tuzilgan. Unga qoʻshimchalar, toʻldirishlar kiritishda yaqindan yordam bergan V. Q. Qobulovning shogirdlariga, ularning oila aʼzolariga chuqur minnatdorchilik bildiramiz.