Umrimning nurafshon manzillari

Navoiy hazratlarining Bu gulshan ichra yoʻqtur boqo guliga sabot, Ajab saodat erur, qolsa yaxshilik bila ot baytini oʻqirkan, Dadashevlar sulolasining kattasida, kichigigacha boʻlgan har bir vakili koʻz oldimizdan oʻtadi. Bu avlod vakillariga yaxshilikni shior qilishni urf-odatga aylantirgan, halol va pokiza qalb bilan yashashga undagan Toir Dadashev bugun oramizda boʻlmasa-da, bu inson qoldirgan chin maʼnodagi maʼnaviy meros yillarga tatiydi. Bu meros avvalo, Shukur Dadash atalmish shoir va uning koʻngil mulkidan yaralgan bebaho satrlardir. Donish qalam sohibining navbatdagi tuhfasi ham oʻziga xos. Bunda siz faqat adib ijodi bilan tanishibgina qolmaysiz, shuning barobarida koʻz oldingizda BUTUN INSON siymosini gavdalantirasiz. Mutolaa muborak boʻlsin barchamizga!