UZUKLAR BIRODARLIGI

HURMATLI KITOBXONLAR! Britaniyalik adib Jon Ronald Ruel Tolkin (1892-1973) qalamiga mansub «Hobbit yoxud borib qaytish» romanini uzviy davomi boʻlgan «Uzuklar hukmdori» roman-epopeyasini ona tilimizga tarjima qilishdan maqsad, sehr-jodu yoki afsungarlikni targʻib qilmas, aksincha, yoshlarning yaxshilikka, adolatga, haqiqatga, mehr-muhabbatga boʻlgan ishonchini yanada mustahkamlash, kindik qoni toʻkilgan yurt – VATANGA boʻlgan muhabbatini yanada yuksaltirishdir. Agar ushbu asarni boshidan oxirigacha oʻqisangiz, unda ona yurt mustaqilligi uchun kurash, uni bosqinchilardan ozod qilish qancha mushkul va murakkab vazifa ekanligini anglaysiz. Asar ustida ishlar ekanman, jonajon oʻzbek tilimizning cheksiz boyligidan samarali foydalanish, kitobxonning goʻzal tilimizga boʻlgan hurmati va muhabbatini qoʻllab-quvvatlashga urindim. Asarni oʻqigan yosh kitobxon murakkab hayotning koʻp jihatlari, yaxshi-yomonliklari, oq-u qorasi, yovuzlik bilan ezgulik oʻrtasidagi mangi kurashdan ogoh boʻlishi, qiziqarli maʼlumotlar bilan tanishib, bilimini oshirishiga shubha yoʻq. Marhamat, oʻqing va zavqlaning! Tarjimon – podpolkovnik Dolimov Shokir Zokirovich