VATAN QADRI

Vatan har bir inson uchun muqaddas, mo'tabar qadr. Shu yerda tug'ilib, shu yerda ulg'aygan farzand uchun onadek aziz. Asrlar osha ne-ne ijodkorlar kindik qoni to'kilgan ana shu zaminni ulug'lab, necha-necha mashhur asarlar bitishgan. Najmiddin Kubro aytganlaridek, "Vatanni sevmoq iymondandir". Jurnalist Jabbor Razzoqning ushbu to'plamdan joy olgan publitsistik asarlari, esselari ana shu muborak yurt, uning qiyosi yo'q shaharlari, ulug' allomalari haqida. Ularni mutolaa qilib, sizda ham faxrlanish tuyg'usi yanada bir bor alanga olsa, ijodkor uchun katta baxt.