VIRTUAL OLAM BOLALARI

BU KITOBNI O‘QING Kamina Abdulkarim Hasanning hali chop etilmagan «Virtual olam bolalari» kitobini qo‘lyozma paytidayoq o‘qidim-u bolajonlarga e’tiborli edim, yanada e’tiborli bo‘ladigan bo‘lib qoldim. Ba’zan bolajonlarning o‘zlari harxasha qilib so‘rab oladigan yoki ovunib o‘tirsin deb ota-onasi berib qo‘ygan telefonlarga andarmon bo‘lib o‘tirishlarini ko‘rib, beixtiyor kitob qahramonlari ko‘z oldimga kela boshladi. Nazarimda bolajonlarimiz huddiki kitobdan real hayotga ko‘chib qolgandek ko‘rina boshladi. Aslida shundaymi? Yo‘q! Real hayot kitobga ko‘chgan. Telefon o‘ynab o‘tirgan bolalarning ertasi naqadar fojeali. Suvga cho‘kib o‘lgan qizaloq, vagon ustida elektr tokida jizg‘anagi chiqqan qizaloq. Qandaydir bonus uchun, «Savdo markazida» to‘s-to‘palon ko‘tarmoqchi bo‘lgan o‘smirlar... Eh, otalar, onalar, yosh oilalar bu kitob chop etilsa hamma ishingizni yig‘ishtirib qo‘yib bu kitobni o‘qing. Ko‘zingiz moshdek ochilmasa men kafil. Bu oddiy kitob emas, balki ertangi kunlar uchun chalingan bir qo‘ng‘iroqdir. ERKIN MALIK