Xitoy uslubidagi modernizatsiya

Oʻzbekiston Respublikasi Mustaqilligining 32 yilligi arafasida jahon intiqodlari, bosib oʻtilgan marralarni eʼtirofida shu bilan birga erishgan yutuqlar, innovatsion gʻoyalar va texnologiyalardan jadal surʻatda foydalanishga qaratilgan yangi Oʻzbekiston taraqqiyot strategiyasi eʼlon qilingan kunlarda, Vatanimizda kelajakka yoʻnaltirilgan ezgu niyatlar, belgilangan maqsadlar, ulkan bunyodkorlik ishlari, hayotiy qadriyatlar va umuminsoniy gʻoyalar uygʻunligi bilan xalqimizni birlashtirish, milliy gʻurur va iftixor tuygʻularini yanada mustahkamlash, zamonaviy rivojlanish, xalqaro maydonda mustahkam oʻrin egallash kabi muhim vazifalarni taʼminlashga qaratilgan keng koʻlamli islohotlar amalga oshirilmoqda. Bu jarayonlarda Xitoy tajribasi, uning iqtisodiy-siyosiy modernizatsiya yoʻnalishidagi muvaffaqiyatlari muhim ahamiyatga ega. Xitoyning oʻziga xos modernizatsiya modeli xalqaro hamjamiyatda katta qiziqish uygʻotmoqda. Ushbu kitobda, Xitoyning modernizatsiya jarayonlari, unda erishilgan yutuqlar, yuzaga kelgan muammolar va ularning yechimlari, Xitoy tajribasining oʻziga xosligi chuqur tahlil qilingan. Kitob, tadqiqotchilar, olimlar, talabalar va keng jamoatchilikka moʻljallangan boʻlib, Xitoyning modernizatsiya tajribasini tushunishga yordam beradi. Shuningdek, ushbu kitobda Xitoy Xalq Respublikasi Prezidenti Si Tszinpinning "Xitoy uslubidagi modernizatsiya" haqidagi falsafiy qarashlari va Oʻzbekiston Respublikasi Prezidenti Shavkat Miromonovich Mirziyoyevning nutqlaridan parchalar joy olgan. Ushbu kitob jahon ilmiy tafakkurining muhim bir qismi boʻlgan sharq falsafasi va siyosiy gʻoyalarini oʻrganish, Xitoyning ijtimoiy-iqtisodiy rivojlanishidagi oʻziga xos xususiyatlarini tushunish, dunyoda kechayotgan global jarayonlar va ularning milliy manfaatlarga taʼsirini baholashga yordam beradi.