XOLDORXON

Qoʻlingizdagi ushbu kitob, yaʼni “Xoldorxon” dostoni oʻzbek xalq ogʻzaki ijodiga mansub boʻlib ming yillar davomida xalqimiz baxshilari tomonidan kuylanib, xalqimiz tomonidan sevib tinglangan. “Xoldorxon” dostonining ushbu nusxasi xalqimizning mashhur baxshisi Ergash Jumanbulbul oʻgʻli (1868-1937) tomonidan kuylangan. Shuningdek, Hodi Zarif (1905-1972) bilan birgalikda baxshi tomonidan yozma holatga keltirilgan. Nashrga tayyorlash ishlari esa Hodi Zarif tomonidan amalga oshirilgan. “Xoldorxon” dostonida oʻzbek xalqining azal-azaldan imon-eʼtiqod, or-nomus va yurt birligi yoʻlida oʻzini ayamasligi yorqin aks ettirilgan. Siz dostonni oʻqish davomida Chambilga bostirib kelmoqchi boʻlgan dushmanlarning makr-hiyviga, Goʻroʻgʻlining jasoratiga, Avazxon, Hasan Koʻlbarning shijoatiga, bahodirlarning yakkama-yakka kurashi, Ahmad Sardorning Goʻroʻgʻliga xiyonat qilishi, Yunus pari boshligʻi Chambil ayollarining xiyonatkorligiga duch kelishi, ularning oʻz vatanini mardona qoʻriqlashi, Xoldorxonning Goʻroʻgʻlidan yengilishi, oxir-oqibat Xoldorxonning Goʻroʻgʻliga doʻst boʻlishi, Ahmad Sardorning magʻlubiyatiga guvoh boʻlasiz. Shuningdek, siz ushbu dostonni oʻqish davomida xalqimizning bir qancha tarixiy etnografik urf-odatlari, dehqonchilik, chorvachilik, safar, kasallik va saʼxiylik, imon va eʼtiqodning muqaddasligi haqida maʼlumotlarga ega boʻlasiz. Dostonning ushbu nashrga hozirgi davr kitobxonlarining talab va iltimoslariga asosan qoʻshimcha iqtiboslar kiritildi va asar, imkoni boricha, hozirgi oʻzbek adabiy tili qoidalari asosida qayta tahrirlandi.