XOTIRA UYGʻONSA GOʻZAL

Shayx Muhammad Sodiq Muhammad Yusuf hazratlarining nomi shariflari “Sharq” nashriyoti uchun ham koʻp qimmatlidir. Gap shundaki, u kishining xalqimiz sevib oʻqiyotgan “Tafsiri Hilol”, “Hadis va Hayot” turkumi, “Ruhiy tarbiya”, “Kifoya”, “Adabul mufrad” silsilalari, “Baxtiyor oila”, “Iymon”, “Vasatiya – hayot yoʻli” va boshqa koʻplab kitoblari dastlab “Sharq”da chop etildi. Tabiiyki, bu ijodiy hamkorlik ulugʻ olim bilan nashriyotimiz va Bosh tahririyatni bir-biriga chambarchas bogʻladi. Ajoyib muloqotlar, suhbatlar, uchrashuvlar boʻlib oʻtdi. Afsuski, endi ular oʻtmishga aylanib qoldi. Shularni mulohaza qilgan holda Shayx hazratlari haqidagi xotira kitobini ham “Sharq”da chop etishni maqsadli va xayrli deb bildik.