Xotiralar

Anna Dostoyevskaya (qizlik sharifi Snitkina)ning ushbu xotiralar kitobi – buyuk adib, ulugʻ rus yozuvchisi Fyodor Dostoyevskiyga bagʻishlanadi. Unda Anna xonim oʻz bolaligi, turmush oʻrtogʻi bilan tanishuvi onlari, oila qurishlari, «Jinoyat va jazo», «Aka-uka Karamazovlar» va boshqa asarlarning yozilish jarayoni, adibning ruhiyati, kechinmalari, ogʻriqlari, quvonchlari bilan oʻrtoqlashadi. Dostoyevskiyning eng katta asari «Aka-uka Karamazovlar»ning kirish qismiga nima uchun «A.C.Dostoyevskiyga bagʻishlanadi» deb yozib qoʻyilganiga ham ushbu asarni oʻqish davomida javob topasiz. Bu asana Fyodor bilan tanishganida adib qarzga botgan, kasal va odamovi edi. Ammo undagi kuchli tafakkur va iqtidor qizni oʻziga jalb etdi. Dostoyevskiy Annaga muhabbatdan soʻng oʻzining chin maʼnodagi baxtli xotirjam, mehr-muhabbatga boy umri boshladi. Adib rafiqasini hayotidagi yagona quvonch, yagona umid deb ataydi. Yozuvchi vafotidan soʻng uning yodi bilan yashagan Anna barcha qoʻlyozmalar, maktublar, hujjatlarni yigʻib tartibga keltiradi va ushbu memuar asarni yozishga bel bogʻlaydi. Albatta, yozuvchining iste’dodi ayolga ham koʻchgani, shubhasiz, chunki kitob samimiy, ravon, qiziqarli yozilgan. Ushbu memuar dunyoning koʻplab tillariga oʻgirilgan va sevib oʻqib kelinmoqda.