YAXSHIYAM, SEN BORSAN

Ma'lumki, badiiy ijod va tush o'rtasida mustahkam bir ko'prik bor. Ijodkor uddasidan chiqsa, ko'prikdan bot-bot foydalanib turadi. Zero, badiiy ijod va tush hodisalari bir-birini to'ldirib boradigan jarayonlardir. Ushbu kitobga kirgan roman va hikoyalarga muallif tushlari asos qilib olingan. Shuning uchun ham uning boshqa bir nomi tushbitiklardir. Zamonaviy o'zbek nasrida tush motividan ustalik bilan foydalanish har doim bo'lgan. Lekin boshdan oyoq badiiy asarni tush asosiga qurish o'ziga xos yangilik sanaladi. Shu ma'noda ushbu kitobdan joy olgan asarlar zamonaviy o'zbek adabiyotiga o'ziga xos yangi nafas bo'lib qo'shiladi deya umid qilamiz.