Yoshim 10 da va men turmushdan ajrashganman

Afsuski, XXI asrda ham kichkina qizlar va oʻgʻil bolalarni qul qilib sotish odati hamon mavjud va u «nikoh» deb ataladi. Bu odatning qayerda mavjudligi, kim bilan sodir boʻlayotganini bilishimiz mumkindir, ammo gʻayriinsoniy anʼanalarni buzib, undan chiqib keta olgan va shu voqealarning qurboni boʻlgan insonning oʻz qoʻli bilan yozganlarini oʻqish baribir boshqa. Ushbu kitob dahshatli bolalar qashshoqlik, tahqirlash, tengsizlik, bolalar savdosi haqidagi qissa. Bosh va eng asosiy qahramon 10 yoshli Nujudning koʻnglida umid uchquni yiltillab turadi. Umidki, dunyoda yaxshi odamlar borligi va ularning mehr-muhabbatiga sazovor boʻlishi ilinji soʻnmaydi.