Yoshlar ongida milliy qadriyatlarni shakllantirishda mahallaning oʻrni

Mazkur uslubiy tavsiyalar fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashining 2018 yil 15 fevraldagi 9-sonli yigʻilish qarori bilan tasdiqlangan “Oʻzbekiston Respublikasida 2018 yilda fuqarolarning oʻzini oʻzi boshqarish organlari faoliyati samaradorligini yanada oshirishga qaratilgan qoʻshimcha chora-tadbirlar Dasturi”ning VII yoʻnalishi 75-bandida belgilangan vazifalarning ijrosini taʼminlash maqsadida yaratilgan. Unda mahallaning milliy va umumsoniy qadriyatlar maskani sifatida jamiyatda tutgan oʻrni va ahamiyati, oila – mahalla – taʼlim muassasasi hamkorligi, oilada farzandlar tarbiyasi, Vatan ravnaqi, yurt tinchligi va xalq farovonligini taʼminlash, millatlararo totuvlik va bagʻrikenglik, ijtimoiy hamkorlik tushunchalari, kitobxonlik madaniyati va odob-axloq bilan bogʻliq masalalar oʻzining yorqin ifodasini topgan. Tavsiyalarda mahalla fuqarolar yigʻini va taʼlim muassasalari xodimlari, fuqarolar yigʻinning jamoatchilik komissiyalari va tuzilmalari, ota-onalar, ustoz-murabbiylar, soha mutaxassislari, yoshlar va keng jamoatchilik ommasi foydalanishlari mumkin.