YULDUZLAR MANGU YONADI

Qoʻlingizdagi kitob Oʻzbekiston xalq yozuvchisi, Abdulla Qodiriy nomidagi Davlat mukofoti sovrindori Togʻay Murodning ilk, ammo allaqachon xalqimizning koʻngil mulkiga aylangan, hozirga qadar bir necha avlod kitobxonlari dillariga milliy gʻurur-iftixor, oriyat tuygʻularini singdirib, yoshlarimizni aziz vatanparvarlik ruhida tarbiyalab kelayotgan, goʻzal badiiyatga oshno etajak “Yulduzlar mangu yonadi” qissasidan tashkil topdi. Hurmatli kitobxon! Ushbu qissa mutolaasiga kirishar ekansiz, adibning badiiy soʻzi oʻziga xos mahorat bilan chizgan manzaradan mutaassir boʻlasiz, polvonlarning mard, tantiliklari, qahramonlar taqdiri sizni befarq qoldirmaydi.