ЗАМОНГА ЕНГИЛМА

Таниқли турк ёзувчиси Халис Карабенли бугунги ўзбек китобхонларига ҳозирча “Баъзилар олисдан севарлар” асари орқалигина таниш. Кўлингиздаги “Замонга енгилма” китоби ҳам муаллифнинг ўткир қалами ила битилган бўлиб, асарда инсон қалбининг турли эврилишлари эркин бўёқлар ва нозик дид билан тасвирланган. Халис Карабенлининг қаҳрамонлари, гарчи турли феъл-атворли кишилар бўлса-да, эркка интиладилар, ўз бурч ва мажбуриятларини ҳар хил шароитларда синаб кўрадилар, ҳаёт машаққатларида тобланадилар. Ёзувчи мазкур асарида инсон энг оғир шароитларда ҳам ожиз эмаслигини исботлайди. Барчаси инсоннинг руҳияти, маънавий дунёси ҳамда иродасига боғлиқ эканини кўрсатмоқчи бўлади. Асар кенг китобхонлар аудиториясига мўлжалланган.