ALLAMJONOV AYBDOR

P.S. Qo'lingizdagi kitobda mening hali unchalik uzun bo'lma-gan hayot yo'lim aks etgan. Bu badiiy asar yoki monografiya emas. Ushbu kitobni o'qigan yoshlarimiz o'zlariga ozgina bo'l-sa-da, motivatsiya olsalar, faqat xursand bo'laman. Xato (imlo, stilistik va hokazo), kamchiliklarga duch kelsangiz, aybga buyurmaysiz. Kitob ustida ishlash jarayonida turli fikrlar bo'ldi. «Kerakmi shu, bunaqa kitoblar chiqmagan, agar chiqsa, ertaga boshqa balo bo'lmaydimi, darrov yomonlikka burishmaydimi...» degan xavotir, shubhalar ham tug'ildi. Biroq shaxsiy fikrimcha, agar ko'ngil toza, maqsad xolis bo'lsa, Allohning o'zi asraydi. Bunday kitoblar bizning yurtda ham shov-shuvli yangilik emas, odatiy hol sifatida, ko'p bo'lishi kerak. «Kitob o'qib!», deb targ'ib qilsak-u, lekin yangi(cha) kitoblarni chop etishga qo'rqib o'tirsak, o'tiraveramiz. Hayotim davomida ko'p holatda Allohga tavakkal qilib, shu bugungi darajaga yetib keldim. Bu safar ham xuddi shunday qilaman. Nima bo'lsa – peshonadan. Pandemiya davrida, uyda bekor o'tirganda, shu kitobni yo-zishni Alloh ko'nglimga soldi. Yaxshilikka bo'lsin ilohim. Kitob 2021 yilning 21 mart sanasida to'liq tahrirdan chiqib, nihoyasiga yetkazildi. Allohga shukur!