AMIR TEMUR TEMUR TUZUKLARI

«Tuzuki Temuriy» («Temur tuzuklari»), «Malfuzoti Temuriy» («Temurning aytganlari») va «Voqeoti Temuriy» («Temurning boshidan kechganlari») nomlari bilan atalmish asar e’tiborga molik tarixiy manbalar jumlasidan. «E’tiborga molik» deganimizning boisi shuki, uning nusxalari (qo‘lyozmalari ham, toshbosmalari ham) turli qadimiy kutubxonalarda topish mumkin. O’z-o‘zidan ma’lumki, qaysi bir asar qimmatli, amalda zarur bo‘lsa, undan ko‘proq nusxa ko‘chirilgan. «Temur tuzuklari» ham ana shunday asarlar qatorasidadir. U ko‘proq sohibi tojga kerak bo‘lgan. Shuning uchun ham hukmdorlarning ko‘pchiligini bu va shunga o‘xshash asarlardan nusxa ko‘chirtirib, shaxsiy kutubxonalarida asragan va ijtimoiy-siyosiy faoliyatlarida ulardan muhim yo‘l-yo‘riq sifatida foydalangan.