AVLIYOLAR SULTONI

Ushbu risola uch qismdan iborat boʻlib, birinchi qism “Avliyolar sultoni” deb nomlanadi. Unda oʻquvchilar Gʻavsul Aʼzam – Abdulqodir Gʻiloniy manoqibi bilan batafsil tanishish imkoniga ega boʻladilar. Toʻplamning ikkinchi qismi “Valiylar tazkirasi” deb nomlanib, (professor Hamidjon Homidiy bilan hamkorlikda nashrga tayyorlangan) unda Rushdiy tazkirasidan oʻrin olgan Mansur Halloj, at-Termiziy, Abu Bakr Vositiy, Abu Turob Naxshabiy zikrlari hozirgi adabiy tilimizda bayon etilgan. Kitobning uchinchi qismi “Turonlik valiylar” deya nomlangan boʻlib, Zangi ota Himmatiy, Bahouddin Naqshband, Xoʻjanazar Huvaydo, Majzub Namangoniy, Ziyovuddin Haziniy, Rojiy Margʻiloniy, Safoxontoʻra Xoʻqandiy, Eshoni Xoʻqandiy haqida naql va hikoyatlar berilgan, ularning ayrim asarlari sharhlangan. Shuningdek, ilk marta Salohiddin Soqibiyning “Maʼlumoti soqibiy” risolasidan tanlangan pand-nasihatlar keltirib oʻtilgan. “Avliyolar sultoni”, “Turonlik valiylar” deb atalgan mazkur kitob tasavvuf va tasavvuf adabiyoti, milliy maʼnaviyat va dinshunoslik ilmi bilan shugʻullanuvchi barcha ziyolilar va keng kitobxonlar ommasiga moʻljallangan.