BAXTNI XUSH NAFAS DEB BILDIM AZALDAN

Iste'dodli shoir Abdulhay Nosirning bu saylanmasiga yoshlik yillarida yozilgan mashqlari bilan (qalam tegizilmagan) birga yangi yozilgan she'rlari ham tartiblanib kiritilgan. Shoir uyqusiz tunlari yolg'izlanib, yuragi bilan xayolan suhbatlar quradi, hayajon mavjlarini qog'oz betiga tushiradi. Bu hayajon mavjlarini Siz ham o'qib ko'ring, balki Sizni ham yana qaytmas yillarning so'qmoqlariga yetaklab, hayajonlariga oshno etar. Aziz she'rxon, shoirning bu ilhom nash'alari ko'nglingizni xushnud etib, she'riyatning ko'klam bog'lariga yetaklasa, ajab emas.