BIZNING ROMAN

Bola shirin, odobi undan shirin! Biz oʻzbeklar juda bolajon xalqmiz. Dunyoning biron mamlakatida bolalar bizdagichalik erkalatilmasa kerak. Albatta, har bir odamga oʻz farzandi shirin va aziz. Biroq ayrim hollarda ortiqcha erkalatish bolaning taltayishiga olib kelib, xulqida salbiy jihatlar koʻpayishiga sabab boʻladi. Mehr esa ota-ona koʻziga parda tortib, bola tarbiyasi buzilayotganiga toʻgʻri eʼtibor qaratishga yoʻl qoʻymaydi. Bu esa oʻz oʻrnida bola uchun zararli boʻlib, kelajagini ham xavf yoqasiga keltirib qoʻyishi mumkin. Muallif oʻz asarida bola tarbiyasida erkalashning meʼyorda boʻlishi lozimligini maslahat berayotgandek koʻrinadi, goʻyo. Axir, har bir ota-ona farzandi yetuk, komil inson boʻlib ulgʻayishini orzu qiladi. Buning uchun esa, bola hayotidagi eng nozik pallada, yaʼni u shaxs sifatida shakllanayotganida tarbiyaviy jihatdan toʻgʻri munosabat oʻrnatishni talab etadi. Asar bolalar uchun yozilgan boʻlsa-da, uni farzand tarbiyalayotgan ota-onalar ham mutolaa etishlari mumkin!