BOBOLARDAN MEROS MATONAT

Chunakam vatan himoyachisi bo'lish uchun askarlar nafaqat harbiy sir-sinoatlarni egallashi, shuningdek, ma'nan barkamol, ruhan quvvatli bo'lishlari darkor. Bu borada, shubhasiz, badiiy adabiyotning o'rni, xizmati beqiyosdir. Shu bois O'zbekiston Yozuvchilar uyushmasi tomonidan "Mard askarga sovg'a" ruknida ixcham kitoblar chop etish yo'lga qo'yildi. Ushbu kitobchaga kiritilgan asarlarni o'qish chog'ida askarlarimiz vatanparvarlik, jasorat, matonat, fidoyillik, or-nomus singari yuksak insoniy fazilatlarning qadr-qimmatini, ahamiyatini yanada teranroq tushunadilar, deb o'ylaymiz. Mazkur mo'jaz kitob mard askarlarning doimiy sirdoshiga aylanadi, ularning cho'ntagidan ham, yuragidan ham mustahkam joy egallaydi, deb ishonamiz.