BOLALAR BOG‘CHASIDA APPLIKATSIYA

HURMATLI OTA-ONALAR VA BOG‘CHA TARBIYACHILARI! Bolalar bog‘chasida applikatsiya seriyasidagi ikkinchi kitobni e’tiboringizga havola qilmoqdamiz. Bozorni o‘rab turuvchi eng yaqin ijtimoiy muhit bu oila va bog‘cha-dir. Bola atrof muhit va o‘zini anglash to‘g‘risidagi dastlabki ma’lumotlarni oilasi va bog‘cha tarbiyachilaridan oladi. Bunday oiladagi va bog‘chadagi iliq munosabat, bolaning qiziqishlarini qo‘llab-quvvatlanishi katta ahamiyatga egadir. Bola bilan birga o‘ynash, u bilan she’rlar yodlash, rasm chizish, turli narsalar yasash uning ijodiy qobiliyatini rivojlantiradi. Xususan, rangli qog‘ozdan applikatsiya yasash bola uchun qiziqarli, yoshiga mos mashg‘ulotdir. Applikatsiya yasash qator pedagogik vazifalarni bajaradi: — bolada ma’lum ko‘nikma va malakalarni hosil qiladi; — predmetlar tuzilishini, ranglarini ajratishni, predmetning katta-kichik, uzun-qisqa kabi xususiyatlarini bilib boradi; — mayda qo‘l muskullarini rivojlantiradi; — kitobda berilgan she’r va topishmoqlar bolaning so‘z lug‘atini boyitishga xizmat qiladi. Bu kitob Sizni bola bilan hamkorlikda ishlashingizga va bolangizda ijodiy qobiliyatini rivojlantirishga yordam beradi.