CHOʻLPON

«Adabiyot chin maʼnosi ila oʻlgan, soʻngan, ...oʻchgan, majruh, yarador koʻngilga ruh bermak uchun, faqat vujudimizga emas, qonlarimizga qadar singishgan qora balchiqlarni tozalaydurgʻan, oʻtkir yurak kirlarini yuvadurgʻan toza maʼrifat suvi, ...chang va tuproqlar toʻlgʻan koʻzlarimizni artub, tozalaydurgʻan buloq suvi boʻlgʻanlikdan bizga gʻoyat kerakdur», – degan edi Choʻlpon. Darhaqiqat, ozodlik kuchchisi – Choʻlponning hikoyalarini oʻqir ekansiz, ilm-maʼrifatga, adabiyotga qanchalar katta ahamiyat berganiga guvoh boʻlasiz. Ha, adib oʻz hikoyalarida, shʼerlarida, hatto dramalarida ham oʻz davrining dolzarb muammolarini, yaʼni bilimsizlikni, jaholatni, erk-ozodlikni koʻtarib chiqqan.