Davrim va davram

Taniqli teatr va kino namoyandasi, Oʻzbekiston xalq artisti Maryam Yoqubovaning hayoti yoritilgan oʻzgacha, noodatiy kechdi... xuddi sarguzasht qissadek: qiziqarli voqealarga boy boʻldi: yosh qizchaning Buxoro amiri saroyidagi hayoti, erta yetimxolik, bir qarindoshinikidan ikkinchisinikiga koʻchib yurishi, erta turmushga berilgani, taʼlim olish orzusi, qaynonasinikida uydan qochib ketishi, Moskvada oʻqishi oʻsha davrning atoqli sanʼat va madaniyat arboblari bilan uchrashishi, V. Meyerxold teatrida amaliyot oʻtashi, teatrda M. Uygʻur, E. Bobojonov, A. Ginzburg kabi ustoz rejissyorlar qoʻl ostida faoliyat yuritishi. Maryam Yoqubova oʻziga xos, erkin aktrisa. Teatr va kinoda yuzdan ortiq rollarni ijro etib, odamlarga olam-olam quvonch ato etgan, desak aslo mubolagʻa boʻlmaydi.