Dil amri

Oʻquvchilar eʼtiboriga havola etilayotgan ushbu «Dil amri» qissasini XX asr oʻzbek adabiyotining taniqli namoyandasi va yirik davlat arbobi Sharof Rashidov 1977-1982-yillarda yozgan. Sharof Rashidov 1917-yil 6-noyabr kuni Jizzax shahri yaqinidagi (hozirgi Jizzax viloyati Sharof Rashidov tumani) Sovungarlik qishlogʻida dehqon oilasida tugʻilgan. Otasi Rashid Xalilov va onasi Qoʻysinov ayya boʻp boʻlmasalarda, oʻz davrining qimishli kishilari edi. Ular oilada olti oʻgʻilni tarbiyalab, voyaga yetkazdi, farzandlarining barchasi oliy maʼlumotli, oʻz davrining taniqli kishilari boʻlib, turli sohalarda Oʻzbekiston taraqqiyoti uchun xizmat qildi. Sharof Rashidov 1933-yili yetti yillik maktabni bitirib, Jizzaxdagi pedagogika texnikumiga oʻqishga kiradi. Uning adabiy faoliyati aynan shu texnikumda oʻqib yurgan kezlari namoyon boʻladi, dastlabki sheʼrlari, publitsistik maqolalari texnikum gazetasida eʼlon qilinadi. 1936-yili texnikumni aʼlo baholar bilan bitirib, oʻzi oʻqigan Narimonov nomli maktabga oʻqituvchi boʻlib keladi. Sharof Rashidov yoshligidanoq oʻta intiluvchan boʻlgan. U oʻqishni davom ettirish maqsadida 1937-yili Samarqand davlat universitetining (u davrda Oʻzbekiston davlat universiteti) filologiya fakultetiga oʻqishga kiradi. U oʻqish bilan bir vaqtda «Lenin yoʻli» gazetasining masʼul kotibi muharrir oʻrinbosari, 1941-yildan esa muharriri boʻlib ishlaydi. Doim bosxona borib, gazetalar sahifalanishini...