Doktor Moro oroli.

Ingliz fantast yozuvchisi Herbert Uells nomi kitobxonlarga yaxshi tanish. Uning «Vaqt mashinasi», «Koʻrinmas odam» nomli qissalari jahon adabiyoti durdonalari qatorida turadi. «Doktor Moro oroli» adibning uchinchi mashhur qissasi. Mazkur asarda tabiat qonunlariga qarshi borib, inson va hayvonni jarrohlik yoʻli bilan birlashtirish orqali yangi bir maxluq yaratishga ahd qilgan yovuz olimning fojiasi butun dahshatlari bilan oʻz ifodasini topgan. Yozuvchi ushbu asar orqali tabiat muvozanatiga qarshi borish oxir-oqibat uning ijrochilarini ogʻir fojiaga yetaklashini roʻyi rost koʻrsatib beradi. Shuningdek, asarda inson matonati, uning har qanday murakkab vaziyatdan ham oʻz idroki orqali yoʻl topib chiqib keta olishi mumkinligi, hayvonchiliklarga daxovor yengilmasdan, kurashuvchan boʻlish kerakligi asar qahramoni Prendik misolida aks ettiriladi. Asarni mutolaa qilish davomida qahramonning gʻaroyib sarguzashtlari, qalb kechinishi alohida qiziqtirsa, uning yirtqichlarga yem boʻlib ketmaslik, odamlar orasiga qaytish uchun tortgan zahmatlari aynan inson salohiyatini namoyon etadi.