Ekonometrikaga kirish: Zamonaviy yondashuv

Zamonaviy ekonometrika fanining taniqli va nufuzli olimlaridan biri Jeffri Vuldrij dunyo miqyosida “Ekonometrikaga kirish: zamonaviy yondashuv” nomli darsligi bilan mashhur. Mazkur asar iqtisodiyot, moliya va biznes yo‘nalishlarida tahsil olayotgan talabalar uchun eng ommabop darsliklardan biri hisoblanadi. Kitobda ekonometrikaning murakkab nazariyalari sodda va amaliy misollar orqali tushuntiriladi. Shu sababli ushbu darslik dunyoning yuzlab universitetlarida asosiy o‘quv qo‘llanma sifatida foydalaniladi. “Ekonometrikaga kirish: zamonaviy yondashuv” kitobida iqtisodiy ma’lumotlarni statistik tahlil qilish, regressiya modellari va ekonometrik tadqiqot usullari yoritiladi. Kitob regressiya tahlili, gipotezalarni tekshirish, panel ma’lumotlar va amaliy ekonometrika mavzularini o‘z ichiga qamrab olgan. Kitobning asosiy g‘oyasi iqtisodiy nazariyalarni real ma’lumotlar yordamida tekshirish va asosli xulosalar chiqarish imkoniyatlarini ko‘rsatishdan iborat. Asar iqtisodiyot, moliya va statistika yo‘nalishlarida tahsil olayotgan talabalar hamda ilmiy izlanuvchilar uchun mo‘ljallangan.