“Fuqarolarning oʻzini oʻzi boshqarish organlari toʻgʻrisida”gi Oʻzbekiston Respublikasi qonuniga sharh

“Fuqarolarning oʻzini oʻzi boshqarish organlari toʻgʻrisida”gi Oʻzbekiston Respublikasi qonuniga sharh Fuqarolarning oʻzini oʻzi boshqarish organlari faoliyatini takomillashtirish boʻyicha respublika kengashining 2015 yil 7 maydagi 1-sonli yigʻilish bayoni bilan tasdiqlangan “Oʻzbekiston Respublikasida 2015 yilda fuqarolarning oʻzini oʻzi boshqarish organlari faoliyatini samaradorligini yanada oshirishga qaratilgan qoʻshimcha chora-tadbirlar” dasturining IV yoʻnalishi, 47-bandi ijrosini taʼminlash maqsadida ishlab chiqilgan. “Fuqarolarning oʻzini oʻzi boshqarish organlari toʻgʻrisida”gi Oʻzbekiston Respublikasi qonuniga sharhni tayyorlashda Prezidenti huzuridagi Davlat boshqaruvi akademiyasi va Amaldagi qonun hujjatlari monitoringi instituti, Oʻzbekiston Respublikasi Oliy Majlisi Qonunchilik palatasi va Senati, "Mahalla" xayriya jamoat fondi, FJSHQMKMI, TDYUI, IIV Akademiyasi oʻz hissasini qoʻshdi. Kitob huquqshunos olimlarga, adliya xodimlariga, huquqshunoslik amaliyoti bilan shugʻullanuvchi mutaxassislarga, fuqarolarning oʻzini oʻzi boshqarish organlari xodimlariga, shuningdek keng kitobxonlar ommasiga moʻljallangan. “Mahalla ziyosi” respublika oʻquv uslubiy markazi qoshidagi Ilmiy-maslahat kengashining 2015 yil 8 oktyabrdagi 3-sonli yigʻilish bayoni bilan nashrga tavsiya etilgan.