G'AFUR G'ULOM

Oʻzbekiston xalq yozuvchisi Gʻafur Gʻulomning nasriy asarlarini oʻqir ekansiz, ularning deyarli barchasida xalq gʻamini, tashvishini muammolarini koʻtarib chiqqaniga guvoh boʻlasiz. Masalan, mazkur kitobdan oʻrin olgan “Mening oʻgʻrigina bolam” hikoyasida birinchi jahon urushi yillariada xalqimizning qanchalar qiynalganligini yoritadi. Oʻsha paytlarda yuz bergan ocharchilik, yetishmovchilik qanchalar dahshatli boʻlganligini; “Qaysi burchakka, qaysi chordevorga bosh suqmang, oʻn beshta yetim yuvqsiz qoʻlini choʻzib: “Amaki, non bering” – deydi” jumlalari bilan tasvirlaydi. Shuningdek, adib oʻgʻrilik, yolgʻonchilik, ichkilikbozlik kabi illatlarning oqibati nima bilan tugashini ham “JoʻrabOʻri”, “Inoqlik” kabi hikoyalarida yorqin tasvirlar bilan koʻrsatib bergan. “Shoshilinch telegramma”, “Safar”, “Soat” hikoyalarini oʻrganishingizda esa adibning hajviy asarlar yozishga ham qanchalar mahoratli ekanligiga guvoh boʻlasiz.