Gʻayrioddiy intiqom

— Abdullajon, siz Termizga joʻnasangiz, – dedi guruh rahbari kutilmaganda, – chegara qoʻshinlari, bojxona idoralari arxivini koʻtarasiz. Baynalmilalchi jangchilar Afgʻonistondan Oʻzbekistonga qaytgan sanani, oʻsha kuni postlarda kimlar navbatchi boʻlganini aniqlaysiz. Ilyos ota bojxona nazoratida oʻn daqiqa qolib ketgan. Bu bekorga emas. Bojxonaichilar nimanidir sezib qolgan boʻlsa, ajabmas. Ammo otaxon puxtalik qilib, bojxonachilarning koʻnglini olgan koʻrinadi. Toʻgʻri, aybdorlarni jinoiy javobgarlikka tortish muddatlari allaqachon oʻtib ketgan. Biroq haqiqatni aniqlay olsak, Ilyos otada kattagina xazina boʻlganini isbotlay olardik. Bu esa qotilllikni fosh etishga yoʻl berardi.