GEOGRAFIK TOPISHMOQLAR

Mustaqil O'zbekiston Respublikasining Ta'lim tizimidagi o'zgarishlar umumiy o'rta ta'lim maktablari oldiga muhim vazifalarni qo'ymoqda. Bu vazifalar yoshlarni har tomonlama barkamol, ma'naviy yetuk, mustaqil fikrli, milliy merosimizni qadrlaydigan, ilmli, ijodkor, nozik didli qilib tarbiyalashni o'qituvchilardan tinmay ijodiy izlanishni, fidoiylik ko'rsatishni talab etmoqda. Ushbu buyuk maqsadlarni amalga oshirish yo'lida barcha fanlar qatori geografiyaning ham o'rni kattadir. Chunki geografiya yer yuzi tabiati, aholisi va uning xo'jalik faoliyati haqidagi fandir. Muallif geografik atamalarni, bilim va tushunchalarni o'quvchilar ongiga yetkazish uchun ijod etgan geografik topishmoqlarni va she'rlarni, suhbat va boshqotirma va testlardan namunalar ushbu qo'llanmada keltirilmoqda. Ulardan geografiya darslari va daradan tashqari mashg'ulotlarda keng foydalanish mumkin. O'ylaymizki, qo'llanmadan geografiya o'qituvchilari o'z faoliyatlari davomida unumli foydalanadilar va bu kitob o'quvchilarni fanga qiziqishlarini yanada orttiradi.