Hajviy hikoyalar

Elimizning atoqli va ardoqli adibi, Oʻzbekiston xalq yozuvchisi Oʻtkir Hoshimovning „Bahor qaytmaydi“, „Dunyoning ishlari“, „Ikki eshik orasi“, „Tushda kechgan umrlar“ kabi salmoqli qissa va romanlarini, yuzlab jiddiy hikoya va badialarini mutolaa qilgan kitobxon larzaga tushadi, koʻp sahifalarni oʻqiganida koʻziga yosh keladi. Oʻtkir Hoshimov serqirra adib. Uning oʻnlab hajviy hikoyalari, komediyalari, ichakuzdi hangomalarini oʻqigan va tomosha qilganda dilingiz ravshan tortadi. Ushbu toʻplamga yozuvchining eng sara hajviy asarlari jamlangan. Ular sizga maʼqul boʻlishiga ishonamiz.