HIKMATLAR

Jahon soʻz sanʼatining zabardast namoyandalaridan boʻlgan Farididdin Attor hikmatlari Olam va Odam munosabatlari bilan bogʻliq deyarli barcha mavzulardagi keng koʻlamli va koʻpqirrali beqiyos tafakkur durdonalaridir. Ushbu toʻplam buyuk mutafakkirning oʻzbek tiliga oʻgirilgan «Mantiq ut-tayr», «Ilohiynoma», «Asrornoma», «Pandnoma», «Bulbulnoma», «Ushturnoma» singari mashhur dostonlari va boshqa bir qancha asarlari tarkibidagi magʻzi toʻq falsafiy va hayotiy mazmundagi hikmatlari asosida tuzildi.