IKKI QUTB

Ijod – izlanish demak. Izlangan ijodkor oʻz ovozi, oʻziga xos tasvir usuliga ega boʻladi. Umid Ali hikoyalaridagi ayni shu holat meni quvontirdi. Ayniqsa, voqelikni odamlar emas, «predmetlar» nigohi orqali tasvirlash, mushohada qilish va shu orqali ruy berayotgan voqelikka, atrofimizdagi insonlarga baho berish, tugʻrirogʻi, «baho»ni tagmaʼnoga yashirib, odamzodning buyukligi va tubanligi haqida xulosa chiqarishni oʻquvchining oʻziga havola qilish Umidning hikoyalarini jozibali qiladi. Yosh adibning tili ravon, tasviri tiniq, tuygʻulari pok… Oʻylaymanki, Umid Ali oʻz uslubi, oʻz ovoziga ega qalamkash sifatida kitobxonlar hurmatiga ega yozuvchi boʻladi. OʻTKIR HOSHIMOV