IKKINCHI SEANSGA CHIPTA

Mashhur rus yozuvchisi Vasiliy Shukshin asarlarida oddiy qishloq odamlarining serqirra hayoti oʻziga xos tarzda qalamga olingan. Uning yozganlari shunchalik oddiylikka qurilganki, bunday hikoyalarni har qanday kishi yoza oladigandek tuyuladi. Ammo ana shu oddiylikda hayot unsurlari rangin tovlanadiki, beixtiyor adib isteʼdodidan hayratlanasiz. Oddiylikdan murakkablik va murakkablikdan oddiylik – asarlar mazmuni shunday. Bundan har qanday oʻquvchi beqiyos lazzat topadi. Vasiliy Shukshin nafaqat adib, balki kinoaktyor, rejissyor, umuman olganda, ulkan sanʼatkordir. Uning aktyorlik va rejissyorlik mahorati «Koʻl boʻyida», «Xaloskorlik», «Mishqa», «Seryoja va men», «Jurnalist», «Ular vatan uchun jang qildilar» singari filmlarning yaratilishida yaqqol koʻzga tashlanadi. Adib qisqa umri davomida jahon adabiyotiga arzigulik maʼnaviy xazina qoldirib ketdi. Aziz kitobxon! Uning ana shunday asrlarini boʻylagan diltortar hikoyalarini sizga ham ilindik. Oʻylaymizki, Shukshinning hikoyalari oʻzi kabi qalbingiz toʻridan joy oladi.