IQTISODIYOT NAZARIYASI

“Iqtisodiyot nazariyasi” fani boʻyicha mazkur maʼruzalar matni kadrlar tayyorlash Milliy dasturi va oliy oʻquv yurtlarida bakalavrlar tayyorlash davlat andozasining talablari hisobga olingan holda Oʻzbekiston Respublikasi oliy va oʻrta maxsus taʼlim vazirligi tomonidan tasdiqlangan oʻquv dasturi asosida tayyorlangan. Undagi har bir mavzuni yoritishda mamlakatimiz Prezidenti I.A.Karimovning “Jahon moliyaviy-iqtisodiy inqirozi, Oʻzbekiston sharoitida uni bartaraf etishning yoʻllari va choralari” kitobidan va boshqa asarlari hamda maʼruzalaridan, keyingi yillarda respublikamizda qabul qilingan qonunlar, qarorlar, turli meʼyoriy hujjatlardan keng foydalanilgan. Maʼruzalar matnini tayyorlashda iqtisodiy bilimlarni talabalarga yetkazishni osonlashtirish uchun yangi pedagogik va informatsion texnologiyalardan, iqtisodiy jarayonlarni bilishda ikki tomonlama yondashuv usulidan foydalanilgan. Maʼruzalar matni bir-birlari bilan mantiqan bogʻlangan iqtisodiyotning umumiy asoslari, bozor iqtisodiyoti, makroiqtisodiyot va jahon xoʻjaligiga oid mavzular oʻrin olgan. Ayniqsa, hozirgi zamon rivojlangan bozor iqtisodiyotining qonun-qoidalariga, moliya, kredit, bank va pul tizimining roliga katta eʼtibor berilgan. Maʼruzalar matni oliy oʻquv yurtlari bakalavriatining barcha yoʻnalishlaridagi talabalar uchun moʻljallangan.