Jahon tarixi

XX asrning Ikkinchi jahon urushidan keyingi davri ijtimoiy hayotning barcha jabhalarini va ko‘plab mamlakatlarning qamrab olgan, miqyosi bo‘yicha mislsiz va shiddatli o‘zgarishlar bo‘y davri bo‘ldi. Bu davrda kommunikatsiyalarning rivojlanishi, yangi axborot vositalarining yaratilishi jahonda iqtisodiy va madaniy globallashuv jarayonini benihoya jadallashtirdi. XX asrning 70-yillaridan keyin mamlakatlar postindustrial sivilizatsiyaga qadam qo‘ydi. Jahon tarixi o‘quv qo‘llanmasining IV qismi shu davrning muhim tarixiy voqealariga bag‘ishlangan bo‘lib, oliy o‘quv yurtlarining talabalari uchun mo‘ljallangan, shuningdek, akademik litsey va kasb-hunar kollejlari o‘qituvchilari uchun ham foydali ma’lumotlar beradi. O‘quv qo‘llanmani tayyorlash FZ-2016-0908223644 O‘zbekistonning eng yangi tarixi (IV jild) fundamental loyiha doirasida amalga oshirildi.